Үндэсний статистикийн хорооны мэдээлж буйгаар Монгол Улсын гурван сая дахь иргэн энэ сарын сүүлчээс ирэх сарын дунд хүртэлх хугацаанд мэндэлнэ. Харин үүнд зориулж Засгийн Газраас 958 сая төгрөг зарцуулахаар тооцоолж байгаа аж.

Засгийн Газрын ээлжит хуралдаанаар энэ талаар хэлэлцэж, гурван сая дахь иргэн, тэдний үе чацуутнуудад олгох мөнгөн шагнал, тэтгэмжийг Засгийн Газрын нөөц хөрөнгөөс гаргахаар тогтжээ. Сонирхуулахад Монгол Улсын гурван сая дахь иргэнийг орон сууц буюу үүнтэй тэнцэх 70 сая хүртэл төгрөгийн мөнгөн шагналаар шагнах гэнэ.

Харин тухайн өдөр төрсөн бүх чацуутанд нь гурван сая төгрөгийн нэг удаагийн тэтгэмж үзүүлэх юм. Гурван сая дахь иргэний чацуутнуудад гурван сая төгрөгийн нэг удаагийн тэтгэмж олгоно.

                                                                                                                                Г.Золзаяа