Монголчууд Үндэсний эрх чөлөө, тусгаар тогтнолоо сэргээн мандуулсны 103 жилийн ой энэ сарын 29-нд тохионо. Чухам энэ тэмдэглэлт өдрийг тохиолдуулан Монгол Улсын Ерөнхийлөгч Төрийн ордонд нэр бүхий хүмүүст маргааш шагнал гардуулах ажээ. Монгол Улсын Гавьяат тамирчин хэмээх эрхэм цолоор 2014 оны жүдо бөхийн Дэлхийн аварга Г.Болдбаатар, чөлөөт бөхийн Дэлхийн аварга С.Цэрэнчимэд нар шагнагдах юм байна. Мөн чөлөөт бөхийн шигшээ багийн дасгалжуулагч Б.Баяраа, "Алдар" спорт хорооны дасгалжуулагч Ц.Хосбаяр, жүдо бөхийн эмэгтэй шигшээ багийн дасгалжуулагч Ш.Цэвэлмаа нар Гавьяат дасгалжуулагч цол тэмдгээр шагнагдах ажээ.