Монгол Улсын Ерөнхийлөгч Ц.Элбэгдорж УИХ-ын баасан гарагийн хуралдаанд оролцож цаг үеийн асуудлаар мэдээлэл хийх ажээ. Түүнийг Монгол улсын хямраад буй эдийн засгийн асуудлаар өөрийн байр сууриа илэрхийлэх байх хэмээн улс төрчид таамаглаж байгаа юм. Өнгөрсөн баасан гарагт УИХ-ын чуулган дээр Монгол Улсын Ерөнхий сайд Ч.Сайханбилэг Монгол орны өнөөгийн эдийн засгийн нөхцөл байдлын талаар дэлгэрэнгүй мэдээлэл хийсэн,  мөн 2014 оны чуулганы сүүлийн хуралдаан энэ баасан гарагт тохиож буй учир ийнхүү Ерөнхийлөгч үг хэлж буй бололтой. Үүнээс гадна Ерөнхийлөгчийн санаачилсан “Шилэн дансны хууль” хэрэгжиж эхлэх гэж байгаатай холбогдуулж зарим нэг арга хэмжээ авах талаар ярих болов уу гэж таамаг дэвшүүлж байна.

                                                                                                                        Б.Гарьд