ОХУ-ын Москва хотд энэ сарын 9-19-нд болсон М.И.Глинкийн нэрэмжит Олон улсын дуурийн дуулаачдын XXV уралдаанд Монголын дуучид амжилттай оролцжээ.

                                                        Ч.Бадрал

Эх орноо төлөөлж, 16 дуучин оролцсоноос ДБЭТ-ын гоцлооч О.Хүрэлбаатар, ОХУ-ын Гнесины академийн оюутан Ч.Бадрал нар дэд байрын шагнал хүртсэн байна.

                                                          О.Хүрэлбаатар

280 гаруй дуучин оролцсон уг уралдааны тэргүүн шагналыг Украйны дуучин Дитюк Валентин хүртэв. Уралдааныг ОХУ-ын Соёлын яам, Хөгжимчдийн олон улсын холбоо, Найрал дууны урлагийн академи хамтран зохион байгуулдаг. Өмнө нь гавьяат жүжигчин С.Мөнгөнцэцэг, Г.Ариунбаатар, ДБЭТ-ын гоцлооч Ч.Энхтайван нар энэ уралдаанаас шагнал хүртэж байсан юм.

                                                                                                                     Г.Золзаяа