Энэ сарын 20-29-нд ӨАБНУ-ын зүүн өмнөд эргийн Дурбан хотод 8-18 насны ангиллаар швейцарь оноолтын 11 тавилд өрсөлдөж буй өсвөрийн шатарчдын ДАШТ-ий зургаан тавилын дараа хамгийн бага насны буюу “В-8” эхэллээ.

Е.Төгстөмөр

“B-8“ ангиллыг ОХУ-ын И.Маковеев 5.5 оноогоор хошуучилж, Монголын Е.Төгстөмөр дөрвөн тамирчны хамт 5, охидын “G-8”-ыг АНУ-ын А.Эсваран 5.5 оноогоор тэргүүлж монголын шатарчин Д.Мөнхзул орос охины хамт мөн 5 оноотой тус тус удаалан тэмцээний хошуучлагчидтай өрсөлдөж байна.

Г.Амартүвшин

Ц.Ашид

Тэмцээний “G-8” ангилалд Б.Амин-Эрдэнэ 4.5, “B-10“-т Г.Амартүвшин 4, “В-12”-т Э.Баасансүрэн 4, Ц.Ашид 2.5, “В-14”-т Ц.Бат-Эрдэнэ 3.5 оноотой явж байна. ДАШТ-ий үеэр зохиогдож буй Олон улсын нээлттэй тэмцээнд 14 их мастер цолтон бүхий 95 шатарчин оролцож байгаагийн дотор чансааны 20-д жагссан манай ИМ Б.Хатанбаатар зургаан тавилын дараа 4 оноотой байна.

                                                                                                                                                  Г.Золзаяа