Тэрээр Украйны эрч чөлөөт байдлыг дэмжих тухай гэрээнд гарын үсэг зурсныхаа дараа хийсэн мэдэгдэлдээ, АНУ ОХУ-ын зэвсэг үйлдвэрлэгчдэд хориг тавьж Украйнд зэвсэг нийлүүлэх боломжтой гэдгийг анхааруулжээ. Хэрвээ Владимир Путин Украйн дахь Оросын салан тусгаарлагчдыг дэмжихээ болих юм бол ОХУ-д авч байгаагаа хориг арга хэмжээгээ зөөллөж болно гэж тэрээр хэлэв. Энэ нь ОХУ-д Америкийн зүгээс үзүүлж байгаа дарамт шахалт гэдгийг олон улсын ажиглагчид үзэж байна. 

АНУ болон Европын холбооноос ОХУ-д эдийн засгийн хориг арга хэмжээ авч эхэлснээс хойш тус улсын мөнгөн тэмдэгтийн ханш огцом буурч, эдийн засгийн уналтад ороод байгаа билээ. Гэсэн ч Путин АНУ-д бууж өгөлгүй хямралыг даван туулахаар гадаад харилцаа болон эдийн засгаа өргөжүүлэх бүхий л алхамыг хийсээр байгаа юм.