Монголын урлагийн ертөнцийн шаргал үст бүсгүйчүүд болох “Киви” хамтлагийн дуучин Ука, загвар зохион бүтээгч Катя нар царай төрхөөрөө төстэй.

Тэд хүсэл сонирхол, үзэл бодол, зорилго тэмүүллээрээ ч нэг. Хоёр бүсгүй загварын салон нээж, дэлхийн томоохон улс оронд шоу тоглолтоо хүртэл хийгээд амжсан сүйхээтэй.

Торго, чимэглэл голдуу оролцуулж хээнцэр загвар урладаг Катя Зол сүүлийн үед өөрийн шилдэг бүтээлээ Укад өмсүүлэх болсноор урлагийн тайзыг загварын ертөнцтэй хослуулсан.

Адтай, авьяастай бүсгүйчүүд өнгөрсөн жилээс хувийн амьдралдаа анхаарал хандуулах болжээ.

Сонирхуулахад 30 насны босго алхсан дуучин бүсгүй найзынхаа хамаатны залуутай ханилж, анхны үрийнхээ зулайг үнэрлэн ээж болоод буй гэнэ.

Эрчүүдэд өндөр шалгуур тавьдаг Укаг Катя Зол нөхөртэй нь анх танилцуулжээ.

                                                                                                        Г.Золзаяа