Өмнөд Африкийн Кэйп таун далайн эрэг дээр Америкийн нэгэн гэр бүл амрахаар очжээ. Тэд далайн эрэг дээр зугаалж явахдаа амьсгал хураасан аварга загастай таарсан аж. Тэд аварга загасанд дөхөөд очтол гэдэс хавьд нь зогсолтгүй хөдлөөд байжээ. Амарч явсан хүмүүсийн дунд эмч хүн байсан учраас хээлтэй загас, төрөхөөсөө өмнө үхсэн болохыг мэдсэн байна. Ингээд эмч хэвлийн хэсгийн арьсыг огтолж гурван зулзага гаргаж авчээ. Зулзаганууд бүгд хангалттай томорсон, өөрөө сэлэх чадвартай байсан бөгөөд эх нь үхсэн ч ийнхүү зулзагууд амьд мэндэлж чадсан  байна.