Өнөөдөр чуулган хуралдах ёстой ч ирц бүрдээгүй гэдэг шалтгаанаар хуралдаж чадахгүй байсаар 11 цаг хүргэсэн. Учир нь Ерөнхий сайдын томилсон илүү хоёр дэд сайдын суудал, МАН-тай зөвшилцөж, төрийн албаны сонгон шалгаруулалт явуулалгүй шууд томилсон төрийн нарийн бичгийн асуудал АН, МАН хоёрын дунд нь үл ойлголцол үүснэсэн аж. Өчигдөр үдээс хойш хуралдсан МАН-ын бүлгийн хурлаар чухам энэ асуудлыг хэлэлцэж эртхэн АН-тай учраа олох үүргийг нам, бүлгийн даргадаа өгсөн юм. Харин АН-ын хувьд энэ мэт асуудалд сүр бадруулах шаардлагагүй, Ерөнхий сайдад ийм эрх бий хэмээн тайлбарлаж буй. Ямартаа ч хэдэн сандал ширээний асуудлаас болж УИХ-ын үйл ажиллагаа гацаанд орж мэдэхээр болжээ. Одоогоор чуулганы танхимд 39 гишүүн хуралдаж байна.