УИХ-ын гишүүн А.Бакей Олон Улсын шувуучдын наадамд Монгол Улсаа төлөөлж оролцсон Ы.Нургайв, С.Бауыржан, Н.Айшолпан нарыг өчигдөр хүлээн авч уулзжээ.

Тэрбээр 13 настай бүргэдчин охин Н.Айшолпандад үндэсний соёл уламжлалаа дэлхий дахинд сурталчилж байгаад нь талархал илэрхийлсэн байна.

Мөн УИХ-ын гишүүн Г.Оюунгэрэл Олон улсын шувуучдын наадамд оролцсон багийнханд баяр хүргэж, Н.Айшолпаныг цаашид дэмжихээр болсон байна.

Арабын Нэгдсэн Эмират улсад энэ сарын 7-13-нд болсон Олон улсын шувуучдын наадамд 77 орны төлөөлөл оролцсон аж. Тус арга хэмжээнд Монгол Улсаас 15 хүнтэй баг оролцон, олон орны шувуучидтай уулзаж, туршлага солилцжээ.

                                                                                                        Г.Золзаяа