БНХАУ-н Хайнанд болсон дэлхийн 184 орон өрсөлдсөн Ой тогтоолтын дэлхийн аварга шалгаруулах 23 дахь удаагийн дэлхийн аварга шалгаруулах тэмцээнд манайхаас 13 тамирчин оролцож тун их амжилт гаргасан байна. Тэд насанд хүрэгчид  болон дунд насны ангилалд өрсөлдөж 29 медаль хүртэн 17633 оноогоор II байрыг эзэлжээ.

Дунд насны ангилалд 30 медалийн 22-г нь манай тамирчид хүртэж энэ спортоор дэлхийд энтэй гэдгээ харуулсан байна. Тус ангилалд өрсөлдсөн тамирчин А.Анударь ой тогтоолтын олон улсын мастерийн Э.Пүрэвжав нар их мастерийн болзлыг хангажээ. Нийлбэр дүнгээр дунд намны ангилалд аваргын цомыг Э.Энхмөнх, II байрт Ц.Бат-Эрдэнэ, III байрт Э.Пүрэвжав орсон байна.

Насанд хүрэгчдийн ангилалд Ө.Сэнгэсамдан II байрыг эзэлж чансаагаараа дэлхийн 3000 тамирчнаас 6-д бичигдсэн амжилт гаргажээ.

Тус тэмцээний шилдэг 10 тамирчны дотор Монголын 4 тамирчин багтсан байна.