Хонконгод  болсон жүдо бөхийн залуучуудын болон өсвөрийн Азийн аварга шалгаруулах тэмцээнд эмэгтэйчүүдийн 48 кг-ийн жинд Б.Хорлоодой түрүүлж алтан медаль хүртэж, эрэгтэйчүүдийн 55 кг-ийн жинд Б.Амартүвшин мөн алтан медаль хүртэн Ази тивийн аварга болж төрийн дууллаа эгшиглүүлжээ.

                            Б.Хорлоодой                                                                                    Б.Амартүвшин

Мөн эмэгтэйчүүдийн 40 кг-ийн жинд С.Отгонсүрэн хүрэл медаль хүртсэн бол эрэгтэйчүүдийн 66 кг-ийн жинд зодоглосон Ц.Цогтбаатар мөнгө, 81 кг-ийн жинд хүч үзсэн Б.Түвшинтөгс хүрэл медаль зүүсэн байна.

                          C.Отгонсүрэн                                                                               Б.Түвшинтөгс

Уг тэмцээнд Монгол Улсын баг тамирчид хоёр алт, нэг мөнгө, гурван хүрэл медаль хүртэн, шагналт V байранд  дөрвөн жүдоч орсон амжилтаар Япон, БНСУ-ын дараа гуравдугаар байрт бичигдэв.                                                                                                              Г.Золзаяа