Ар гэрийн гачигдлаар хэмээн УИХ-ын гишүүнээсээ татгалзсан МАН-ын Ерөнхий нарийн бичгийн дарга асан У.Хүрэлсүх хэсэг хугацаанд улс төрөөс хол байж байгаад гэнэт Шадар сайд болон эргэн ирсэн. Зүүний хүчний холбоо хэмээх төрийн бус байгууллагыг санаачлагч, МАН-ын зангарагтай лидерүүдийн нэг түүнийг ийнхүү Шадар сайдаар томилогдсонд НИТХ дахь МАН-ын бүлэг баяр хүргэж хүндэтгэл үзүүлжээ. Тэд мөн Байгаль орчин аялал жуулчлалын сайдаар томилогдсон УИХ-ын гишүүн Д.Оюунхорол, Сангийн сайдаар томилогдсон УИХ-ын гишүүн Ж.Эрдэнэбат нартай уулзаж баяр хүргэн, амжилт хүсчээ.