“PETZL Mongolia 2014” мөсөнд авиралтын УАШТ энэ сарын 6-7-нд Өвөрхангай аймгийн Улаан Цутгалангийн хүрхрээний мөсөнд амжилттай болж өндөрлөжээ. Тэмцээнд 85 тамирчин оролцож 36 багц медалийн төлөө өрсөлдсөн бол сонирхогчийн төрөлд 60 мөсөнд авирагч хүч сорьсон байна. Дөрөв дэх жилдээ зохиогдож энэ тэмцээнийг “PETZL Mongolia” ерөнхий ивээн тэтгэж, ерөнхий зохион байгуулагчаар “Mongolia Expeditions" ХХК, хамтран зохион байгуулагчаар Монголын уулчдын үндэсний холбоо, Монголын уулын хөтөчдийн холбоо ажилласан байна.Тэмцээнд багийн дүнгээр экстрем спортын “Ажнай” клубийн тамирчид тэргүүлж, удаах байрт Монголын үндэсний спорт авиралтын холбооны II баг, “Орхон” аймгийн “Эрдэнэт” уулчдын холбооны тамирчид оржээ.

                                                                                                              Г.Золзаяа