Бразил улсын Жуис де Фора хотод арваннэгдүгээр сарын 26-аас арванхоёрдугаар сарын 4 хүртэл болсон Сурагчдын шатрын ДАШТ-ий долоо хүртэлх насны охидын ангилалд Олон Улсын шатрын холбооны дэд мастер,“Эрдэм төгс” сургуулийн сурагч Б.Энхсаран, тус насны хөвгүүдийн ангилалд Олон Улсын шатрын холбооны дэд мастер,“Шинэ Монгол” сургуулийн сурагч Л.Очирбат нар хос мөнгөн медаль хүртэж, 13 дугаар сургуулийн сурагч Б.Одгэрэл шагналт IV байрт шалгарсан байна.

8-9 насны охидын ангилалд коэффициентийн  дутуугаар Багануур дүүргийн Г.Маралгуа шагналт IV байрт, 52 дугаар сургуулийн сурагч Б.Алтантуяа шагналт V байрт, 10-11 насны хөвгүүдийн ангилалд Орхон аймгийн шатарчин, “Логарифм” сургуулийн сурагч Д.Батсүрэн VIII байрт тус тус шалгарлаа.

                                                                                                              Г.Золзаяа