Азийн наадмын эхний тоглолтдоо Хонконгийн багийг хожсон Монголын сагсчид хоёр дахь өдрөө Мальдивыг буулгаж авсан. “Hwaseong Sports Complex Gymnasium” спортын ордонд болсон уг тоглолтод манайхан дөрвөн үеийн турш (15:10, 51:17, 85:32, 112:54) ялалт байгуулж, хоёрдугаар шатанд шалгарах болзлоо хангаад байна.

Энэ тоглолтод Г.Баттөр, Б.Билгүүн, Б.Одбаяр нар  16, Ц.Азбаяр 14, М.Бадрах 11, Т.Санчир 10, М.Отгонмөнх 8 оноо авсан байна.

Одоогоор манайхан Кувейтын хамтаар “А” хэсгийг тэргүүлж яваа. Хэрвээ хэсгээс нэгээр гарвал Япон, Катартай, хоёроор шалгарвал БНСУ, Йорданы багтай оноолт таарах юм.

Г.Золзаяа