“Цөмөөхэй” балет тоглолтын найруулагчаар ажиллаж буй гавьяат жүжигчин, балетчин Д.Алтанхуяг, ДБЭТ-ын багш нар уг балетэд тоглох хүүхдүүдийг сонгон шалгаруулсан юм.

Энэ удаагийн шалгаруулалтад 8-15 насны 230  хүүхэд оролцож, гол дүрийн Кларад тоглох 13 охин сонгогдлоо. Бэлтгэлийн явцад дахин шалгаруулж, гурван охиныг гол дүрд тоглуулахаар сонгох гэнэ. Энэ сарын 24-28-нд толилуулах  “Цөмөөхэй” балетын гол дүр  Клара охины дүрд 93-р сургуулийн 4б ангийн сурагч Г.Хүслэн, “Шинэ-Үе” дунд сургуулийн 4б ангийн сурагч Б.Анхзул, “Орчлон” сургуулийн 6с ангийн сурагч Г.Үлэмжтанан, II сургуулийн 5а ангийн сурагч Д.Энх-Уянга, “Шинэ-Эрин” сургуулийн 9-р ангийн сурагч Л.Уянга нар шалгарсан байна. Монголын бяцхан авъяаслаг охид дэлхийн таван тивд зэрэг тоглогддог алдарт балетын гол дүрийг бүтээх өдөр ойртсоор.

                                                                                                     Г.Золзаяа