Нийслэлийн Гэмт хэргээс урьдчилан сэргийлэх ажлыг зохицуулах зөвлөлийн ээлжит хурал маргааш буюу 2014 оны 12 дугаар сарын 9-ний өдөр болох гэж байна. Хурлаар 2014 оны Замын хөдөлгөөний аюулгүй байдал, гэмт хэрэг, ослоос  урьдчилан сэргийлэх талаар хийсэн ажил, замын ачааллыг бууруулах талаар зохион байгуулж буй арга хэмжээ болон 2015 онд хийх ажлын төлөвлөгөөг танилцуулахаар төлөвлөжээ.

Мөн хэлэлцсэн асуудлуудтай холбогдуулан нийслэлийн гэмт хэргээс урьдчилан сэргийлэх ажлын зохицуулах зөвлөлийн дарга үүрэг, чиглэл өгнө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.