Тэрээр мэргэжил нэгт, Холливудын хамгийн сайхан залуучуудын нэг жүжигчин Райн Гозлингтэй 2012 оноос эхлэн болзож эхлээд өнгөрсөн есдүгээр сард хүүхэдтэй болсон билээ. Тэд Евагийн жирэмсэн болсон мэдээллийг маш их нууцалж байсан бөгөөд 9 дүгээр сарын 12-нд тэдний охин Эсмиралда мэндэлсний дараа л олонд зарлаж шуугиан дэгдээж байсан юм. Тэгвэл Ева Холливудын хамгийн сайн ээжээр шалгарсан байна.

Учир нь тэр хүүхдээ асрагч болон туслах хүн хөлслөлгүйгээр ганцаараа хардаг аж. Өдгөө 40 настай Евагийн хувьд энэ нь анхны хүүхэд нь ч гэлээ бүх зүйлд огтхон ч түүртэлгүйгээр бүхнийг амжуулан, гэрийн ажлыг гаргууд хийдэг нэгэн гэнэ. Би олон дүү нартай, тэдэнтэйгээ их ойр өссөн учраас энэ бүхэнд түүртдэггүй. Тэгээд ч хүүхдээ ийм бага байхад нь асрагчийн халамжинд үлдээгээд ажлаа хийгээд явж байгаа хүмүүсийг огт ойлгодоггүй. Энэ бол томоохон хариуцлага шүү дээ гэсэн байна.