Нийслэлийн Засаг даргын дэмжлэгтэйгээр “Монголын балетын хөгжил сан”, НЗДТГ-тай хамтран “Найрсаг Улаанбаатар” хөтөлбөрийн 2014-2015 оны өвөл цагийн нээлтэд зориулж дэлхийн алдарт “Цөмөөхэй” балетыг гавьяат жүжигчин Д.Алтанхуягийн найруулгаар энэ сарын 24-28-нд ДБЭТ-т тоглоно.

Уг балетад зориулж шинэ жилийн хамгийн том гацуур мод засаж байгаа тул хүүхдүүд зургаа татуулан, амттаны мухлагт зочилж, балетаа үзэх боломжтой болох нь. “Цөмөөхэй” балетын тоглолтын тасалбар өнөөдрөөс худалдаанд гарлаа. Үзэгчийн суудлаас хамаараад ДБЭТ-ын кассаар 20 мянган төгрөгөөс дээш үнэтэй зарагдаж байна.

                                                                                                           Г.Золзаяа