Монгол оронд Ардчилсан хувьсгал өрнөсний 25 жилийн ойд зориулсан уран бүтээлийн үзэсгэлэн өнөөдөр 11 цаг 40 минутад Занабазарын нэрэмжит Дүрслэх урлагийн музейд нээлтээ хийлээ. Энэхүү арга хэмжээнд Улсын Их Хурлын дарга Зандаахүүгийн Энхболд оролцож байна.

Ардчилсан хувьсгалыг манлайлан тэргүүн эгнээнд нь тэмцэж явсан, Монголын Ардчилсан Холбоог үүсгэн байгуулалцсан анхдагч гишүүдийнхээ төлөөллийг тухайн үеийн залуугийнх нь дүр төрхөөр уран зурагт мөнхөлсөн “Түүчээ цаг” сэдэвт энэ үзэсгэлэнд уран зураач Л.Хадбаатар, Г.Нороврагчаа нарын хамтарсан бүтээлүүдийг олны хүртээл болгон дэлгэн үзүүлж байгаа ажээ.