Хамтарсан Засгийн газар байгуулах эсэх асуудлаар МАН, АН зөвшилцөж, санал бодлоо нэгтгэх, ойлголцолд хүрэх үүднээс УИХ-ын гишүүн Су.Батболд, М.Батчимэгээр ахлуулсан ажлын хэсэг гарган багагүй хугацаа өнгөрсөн. Энэ хугацаандажлын хэсэг хэдэн удаагийн уулзалт хийсэн. Өчигдөр орой буюу 11-р сарын 28-нд болсон уулзалтаар АН, МАН-ын ажлын хэсэг нийгэм улс төр, хөгжлийн бодлого дээр зөвшилцөлд хүрсэн байна. Ингэснээр МАН засагт орж ажиллах боломжтой боллоо гэсэн үг юм. Өнөөдөр болох МАН-ын Бага хурлаас Засгийн газарт орж ажиллах шийдвэр гарах нь бараг тодорхой боллоо.