Моносын эмийн  санч хүүхдүүдэд фенобарбитал эмийг тунг нь хэтрүүлэн борлуулснаас болж 16 нярай хордлогод  орсон хэрэг намар гарсан. Мөн тус компанийн лавлах эмч Ж нь дээрх эмийг уух зааврыг эцэг эхчүүдэд буруу өгснөөс 2 нярай хордсон хэрэг гарсан юм. Уг хэргийн шүүх хурал Дүүргийн эрүүгийн хэргийн анхан шатны II шүүхэд өчигдөр боллоо. Шүүгчид эмийн санч Э-ийн гэм буруутайг тогтоож 2 жил хорих ял оноожээ. Тэрээр жирэмсэн тул ялыг нь 2  жилээр хойшлуулж эмийн санчаар ажиллах эрхийг нь 2 жилээр хассан байна. Харин лавлах эмч Ж-д нэг жилийн тэнсэн харгалзах ял оноож, албан тушаал эрхлэх эрхийг нь нэг жилээр хасчээ.

Б.Сувд