Хууль зүйн  сайд Х.Тэмүжингийн нялх амраг гэгддэг Г.Сарангэрэл нархын хэргийг өчигдөр Улсын Дээд шүүхийн хяналтын шатны эрүүгийн хэргийн шүүх хурлаар хэлэлцжээ. Уг хэргийг Дүүргийн эрүүгийн хэргийн I шүүх долдугаар сард хэлэлцээд Г.Сарангэрэл болон найз нарт нь хар тамхи борлуулах гэж байсан Т.Халиуныг 7 жил онц дэглэмтэй хорих ангид хорих, Г.Сарангэрэлийг 1 жил 6 сар, Х.Гэрэл, Б.Энэрэл, Б.Отгончимэг нарыг 1 жил 2 сарын хугацаагаар хорихоор шийдсэн юм.

Тэгвэл Улсын Дээд шүүх Г.Сарангэрэлээс бусад хүний ялыг хэвээр үлдээж, Г.Сарангэрэлийн ялыг 1 жил 2 сар болгон бууруулжээ. Нэг ижил үйлдэлд ялгаатай ял оноосон нь буруу гэж шүүгчид үзсэн байна.

Б.Сувд