Засгийн газар солигдох бүрийд шинээр томилогдсон Ерөнхий сайд өөрийн хэвлэл мэдээлэл, олон нийттэй харьцах багаа бүрдүүлдэг. Харин энэ удаа Монгол Улсын Ерөнхий сайд Ч.Сайханбилэг Хэвлэлийн төлөөлөгч, олон нийттэй харилцах асуудал эрхэлсэн зөвлөхөөрөө сэтгүүлч Ц.Мөнхтөрийг үргэлжлүүлэн ажиллуулах шийдвэр гаргажээ. Сэтгүүлч Ц.Мөнхтөр өмнөх Засгийн газрын Хэвлэл мэдээлэл, олон нийттэй харилцах албаны дарга, Ерөнхий сайд асан Н.Алтанхуягийн хэвлэлийн төлөөлөгчөөр ажиллаж байсан юм.