Өчигдөр “Шонхорууд”, Төв аймгийн “Төв Ургац” багийн тоглолт гал авалцсан өрсөлдөөнтэй болжээ. Хөгжөөн дэмжигчдээ хоёр хожилтой шуугиулж явсан “Шонхорууд”-ыг  өрсөлдөгчид нь 113:99-ээр илүүрхэн хожив. Сагсан бөмбөгийн төгс хичээлийг заах тоглогчдыг “Төв Ургац” багийнхан үндэсний супер лигт авчирчээ гэх сагсан бөмбөгийн мэргэжилтнүүд дүгнэсэн дүгнэлтийг тэд талаар болгосонгүй, харин ч харуулж чадав. Үндэсний супер лигт тэсрэлт хийхээр ирсэн  “Төв Ургац”-ынхан  хойшид тэмцээний гол өрсөлдөгч болох нь тодорхой боллоо.

Тэгвэл сагсан бөмбөгийн хорхойтнуудад сонирхол төрүүлж, хүлээлт үүсгээд байсан   Хэнтий аймгийн Хасумегаватт  баг “Чингис Сити” нэрээр “Valvoline Бүргэдүүд”-тэй өрсөлдөж 107:95-ын харьцаагаар буулгаж авав. Их хааны нэрээр нэрлэгдсэн ” Чингис сити” баг супер лигт анхны тоглолтоо амжилттай хийв.

                                                                                                             Г.Золзаяа