Ирэх даваа гараг буюу дөрөвдүгээр сарын 9-нөөс эхлэн Оюуны өмч, улсын бүртгэлийн газрын 100 айл дахь салбар гадаад паспортын захиалга авахгүй. Иргэд төвийн 6 дүүрэг, нийслэлийн үйлчилгээний нэгдсэн 4 төвөөс энэ төрлийн үйлчилгээг авах юм байна.

Төрийн үйлчилгээг иргэдэд шуурхай үзүүлж, үйлчилгээний төвлөрлийг сааруулах зорилгоор 2018 оны дөрөвдүгээр сарын 09-ний өдрөөс эхлэн гадаад паспортаа төвийн 6 дүүрэг, Дүнжингарав, Драгон, Мишээл, 7-н буудлын Оргил худалдааны төвд байрлах нийслэлийн үйлчилгээний нэгдсэн төвүүдийн Улсын бүртгэлийн хэлтэст харьяалал харгалзахгүй захиалж, захиалсан газраасаа авах боломжтой болсон.

Харин 100 айлд байрлах ОӨУБЕГ-ын үйлчилгээний нэгдүгээр байранд гадаад паспортын үйлчилгээ үзүүлэхгүй юм.