УИХ-ын гишүүн Ч.Сайханбилэг Монгол улсын 28 дахь Ерөнхий сайдаар томилогдсоныхоо дараа хэлсэн үгэндээ “Улс орон “ХЯМРАЛТАЙ БАЙНА” гэдгээ юуны өмнө шууд хүлээн зөвшөөрцгөөе..., 2008-2009 оны санхүүгийн хямралын үед бусад оронд үр дүнтэй хэрэглэсэн “bail out”-ын аргыг одоо бид хэрэглэх цаг болсон” хэмээн ил тод мэдэгдсэн. Түүний нэн түрүүнд хэрэгжүүлэхийг хүсээд буй “Bail out”-ийн арга гэж юу вэ? Ямартаа ч энэ үг нь Монголоор аврах, таслах, зогсоох гэсэн утгатай юм байна.

“Investopedia” бизнес толь бичигт “Bail out” хэмээх хэллэгийг ингэж тайлбарлажээ. Эдийн засаг хямралтай үед гарах үр дагавараас урьдчилан сэргийлэх зорилгоор бонд, хувьцаа, үнэт цаас гаргаж зээл хэлбэрээр мөнгө босгох арга юм. Ийнхүү мөнгө босгоход нөхөн төлбөр шаарддаггүй.

Тэгэхээр Монгол Улс 2015, 2016 онд олон улсын санхүүгийн зах зээл дээр “Чингис”, “Самуурай” бонд шиг дахин шинээр бонд гаргаж мөнгө босгох юм байна.