БНХАУ-ын Чиндао хотод жүдо бөхийн "Grand-Prix Gingdao"  тэмцээн өнгөрсөн лхагва гаригт эхэлсэн. Энэ удаагийн Гран при тэмцээнд 32 орны эрэгтэй 115, эмэгтэй 102 жүдоч оролцож буй.

Тэмцээний хоёр өдрийн дараах байдлаар ОХУ (3 алт, 1 хүрэл), Герман (2+1+1), БНАСАУ (1+0+1) улс тэргүүлж байна. Харин Монгол Улсын тамирчид хоёр хүрэл, хоёр шагналт байраар 15-д эрэмбэлэгдээд байна.Тэмцээний эхний өдөр манай жүдочдоос гурван бөх хүрэл медалийн төлөө барилдсан боловч 48 кг-ийн жинд Г.Отгонцэцэг ганцаараа медаль хүртсэн. Тэгвэл эрэгтэйчүүдийн 81 кг-д О.Ууганбаатар эрэгтэйчүүдийн хүрэл медалийн салхийг хагалж, буухиаг үргэлжлүүллээ.

                                                               Г.Отгонцэцэг

                                                            О.Ууганбаатар

                                                           Г.Алтанбагана

                                                           Ө.Дүүрэнбаяр

Тэмцээний сүүлийн өдөр -90 кг-ийн жинд барилдсан “Женко” клубийн тамирчин Г.Алтанбагана хүрэл медаль, +100кг жинд “Хангарьд” спорт хорооны тамирчин Ө. Дүүрэнбаяр мөнгөн медаль тус тус хүртэв.

                                                                                                                   Г.Золзаяа