Элсэлтийн ерөнхий шалгалтын материалыг шалгуулагчийн нүдэн дээр засах алдаа засагч программыг байгалийн ухааны анхдугаар олимпиадын үеэр амжилттай туршлаа. Уг программ хангамжийг Боловсролын үнэлгээний төвийн мэргэжилтнүүд бүтээсэн бөгөөд 200 хүүхэд оролцсон олимпиадын дүнг 4 минутын дотор заслаа.

БСШУС-ын сайдын ахлах зөвлөх, Яамнаас Элсэлтийн шалгалт болон олимпиадуудын дүнг шалгуулагчийн нүдэн дээр засаж танилцуулах шилэн технологийг хэрэгжүүлэх бодлого барина. Энэ жилийн элсэлтийн ерөнхий шалгалтын дүнг засахад түргэн шуурхай, хардлага сэрдлэггүй алдаа засах программыг ашиглана гэв.

Элсэлтийн ерөнхий шалгалтын дүнг 14 хоногийн дараа зарладаг бөгөөд энэ нь маш их хэл ам, хардлага дагуулдаг. Ийм байдлыг энэ жилээс халж, монгол инженер залуусын бүтээсэн алдаа засах программыг ашиглан шалгалтын дүнг шууд мэдээлэх аж.