Чингис хааны зургийг гутаан доромжилсон Японы  "Корокоро" хүүхдийн сэтгүүлийн гуравдугаар сарын дугаарыг дэлгүүрүүд худалдаанаас татжээ. Өнгөрөгч даваа гарагт Япон дахь монголчууд тус сэтгүүлийг гаргасан Шогакүкан хэвлэлийн компанийн гадна эсэргүүцлийн жагсаал зохион байгуулж, зах зээлээс татахыг шаардсан билээ. Харин энэ асуудлаар тус компанийнхан хуралдсаар байгаа аж. Тус компанийн зүгээс өнгөрсөн баасан гарагт уг үйлдлийнхээ төлөө уучлалт хүссэн билээ.