Тус уулзалтын дараа болсон хэвлэлийн бага хурлын үеэр ОХУ-ын гадаад хэргийн сайдын мэдэгдэж байгаагаар тус захидалд хоёр улсын харилцааг зузаатгахад түлхэц болох олон асуудлын талаар дурьдсан байсныг хөндөөд ирэх онд хоёр улс дээд хэмжээний айлчлал хийж магадгүй хэмээн онцолжээ. Түүнчлэн ирэх онд Ким Чен Ун ОХУ-д айлчилж магадгүй гэж мэдэгдэхийн сацуу  Умард Солонгосоор дамжуулан Өмнөд Солонгос руу нүүрс, байгалийн хий болон цахилгаан эрчим хүч экспортлохоор төлөвлөж байгаагаа Лавров хөндсөн байна. Харин энэ явдлыг хоёр гүрэн хоорондын харилцаагаа улам чангатгах эхлэл болгож байна хэмээн олон улсын ажиглагчдын зүгээс дүгнэж байгаа юм.