АНУ-ын Мэриланд мужид болсон нөхөр, хүүхэдтэй бүсгүйчүүдийн дунд зохиогддог “Ертөнцийн хатагтай-2014” тэмцээний ялагч тодорлоо. Найман өдрийн турш үргэлжилсэн энэ удаагийн тэмцээнд 35 орны сайхан бүсгүйчүүд өрсөлдсөнөөс Беларусь улсын Марина Алексейчик хэмээх 31 настай бүсгүй тэргүүллээ. Тэрээр дөрвөн жилийн өмнө гэрлэсэн, нөхөр хүүгийн хамт амьдардаг, телевизийн хөтлөгч мэргэжилтэй ажээ. Ирэх жилийн “Ертөнцийн хатагтай” сайхан бүсгүй шалгаруулах тэмцээн Хятад улсад зохиогдох юм байна.