АНУ-ын Элчин сайдын яамнаас тус улсад богино хугацаанд ажиллах эрхтэй “H2” виз мэдүүлэх ерөнхий журмыг танилцууллаа. Үүнд “Виз хүсэгчид түр хугацаагаар ажилчид авах шаардлагатай байгаа компанитай холбогдож, найдвартай ажлын байр олох нь чухал.

Мөн ажлын гэрээ дууссаны дараа АНУ-д байх зөвшөөрөгдсөн хугацаа дуусахаас өмнө Монголд буцаж ирэх ёстой” гэсэн хатуу шаардлага тавигдана. Виз олгогдож эхэлснээс хойш АНУ-д нэвтэрсэн Монгол иргэд олон тооны зөрчил гаргавал АНУ-ын Дотоодын аюулгүй байдлын яам Монгол Улсад виз олгохыг зогсоох эрхтэй. Өнгөрсөн онд л гэхэд гурван улс визийн журам зөрчсөн шалтгаанаар хасагдсан байна.