ОХУ-ын Ульяновскийн автомашины үйлдвэр өнгөрсөн онд 5101 ширхэг УАЗ 469 автомашин экспортод гаргажээ. Тус үйлдвэр нийт 41 улсад экспорт хийсэн бөгөөд худалдан авсан автомашины тоогоор Монгол, БНХАУ тэргүүлсэн байна. Цаашид экспорт хийх гэрээ, хэлэлцээр олноор байгуулсан учир энэ онд экспортын хэмжээ 8000 хүрч өсөх төлөвтэй байгааг үйлдвэрийн албан ёсны цахим хуудсанд мэдээлсэн байна. Эдэлгээ даадаг, хүч, туулах чадвар сайтай УАЗ 469 машиныг Ази, Өмнөд, Хойд Америк, Африкийн (Африкийн улсуудад 2017 онд 1124 ширхэг машин экспортолжээ) улсууд худалдаж авдаг байна.