Уг тогтоолыг Сирийн Засгийн газарт хариуцлага тооцох талаар гаргаж ийнхүү НҮБ-ын гишүүн 125 улс дэмжсэн ч ОХУ урьдын адил энэ асуудал дээр НҮБ-тай зөрчилдсөөр байх бололтой. ОХУ-ын зүгээс Сирийн Засгийн газарт хариуцлага тооцвол асуудлыг улам хүндрүүлнэ. Олон улсын хамтын нийгэмлэг хүчин чармайлтаа нэгтгэж, Арабын Бүгд Найрамдах Сири Улс дахь мөргөлдөөнийг намжааж, энх тайван тогтоох хэрэгтэй байгаа үед ийм тогтоол гаргах нь бүдүүлэг хэрэг хэмээн ОХУ-ын Гадаад хэргийн яамны Хүмүүнлэгийн хамтын ажиллагаа, хүний эрхийн газрын захирал Анатолий Викторов мэдэгджээ. Сирийн Засгийн газарт хариуцлага тооцохын оронд Сирийн сөрөг хүчнийхнийг ятгах нь зүйтэй хэмээн ОХУ-ын НҮБ-ын тогтоолын эсрэг байр сууриа хадгалсаар байна.