Хоёрдугаар сараас хойш хүлээгдээд байсан жолоочийн үнэмлэх хэвлэлтээс гарчээ. Жолоочийн үнэмлэх нөхөн авах, солиулах, шинээр жолооч болсон, ангилал ахиулах зэргээр шинээр үнэмлэх авах гэсэн 100 мянга гаруй иргэний материал Цагдаагийн ерөнхий газрын Бүртгэл хяналтын төвд ирээд байсан юм. Уг асуудлыг шуурхай шийдэх арга хэмжээ авч ажилласнаар  жолоочийн үнэмлэх хэвлэлтээс гарч, өнөөдрөөс эхлэн иргэдэд тарааж байна. 2014 оноос хойш жолоочийн үнэмлэхэд агуулагдах мэдээлэл төрийн нууцад хамаарагдахгүй болсон. Тиймээс нээлттэй тендер зарлаж шалгарсан компани нь үнэмлэхийг хэвлүүлдэг болсон байна.