Нийслэлийн Тээврийн газраас “Улаанбаатар Смарт Карт” ХХК, “Сити баз консалтинг” ХХК-тай хамтран нийтийн тээврийн хэрэгслээр зорчиж байгаа зорчигчдийн хөлс төлөлт, жолооч бэлэн мөнгөөр үйлчилж буй эсэхэд хяналт тавьж дараах зөрчлүүдийг илрүүлжээ.

• Цахим картгүй зорчсон - 12485
• Картын үлдэгдэл хүрэлцэхгүй-5403
• Хүүхдийн карт ашигласан -1093
• Өндөр настны картаар зорчсон – 288
• Хөгжлийн бэрхшээлтэй иргэний картаар зорчсон -157
• Оюутны картаар зорчсон -74
• Хүндэт донорын үнэмлэх ашигласан -25 зөрчлийг тус тус илрүүлсэн байна.

Тус шалгалтаар зөрчил гаргасан нийт зорчигчдод “Автотээврийн тухай хууль”, “Зөрчлийн тухай” хуулиудын холбогдох заалтуудыг танилцуулж, дахин зөрчил гаргахгүй байх талаар санамж бичиг тараан ажилласан байна.  Мөн зарим зөрчилд холбогдох хууль, тогтоомжийн дагуу торгуулийн арга тооцсон аж.