Монголын сонгодог урлагийн театрын найман залуу дуучин ОХУ-ын "Большой театр"-ын тайзнаа "Монголын алтан хоолойтнууд” тоглолтоо хийхээр хойд хөршийг зорьлоо.

Монгол хүний хоолойн чадал, авъяас билгийг гайхуулж олон зууны түүхтэй дэлхийн сонгодог урлагийн түүхэнд эхний гуравт бичигддэг энэ алдартай театрын тайзан дээр дуулна гэдэг дуурийн дуучин бүрийн мөрөөдөл байдаг. Тэгвэл энэ ховорхон боломж манай театрын энэ цагийн өнгө төрхийг тодорхойлон яваа дуучдад тохиосон байна. Энэ нь Монголын сонгодог урлаг, дуурийн дуучдын чадал авьяас, хөгжил дэвшил дэлхийн сонгодог урлагийн хөгжилд хаана явааг батлан харуулах том боломж юм.

                                                                                                                        Г.Золзаяа