2014 оны эхний хагас жилийн байдлаар Монгол Улсын 113.100 иргэн гадаад улсад амьдарч байна. Улсаар нь авч үзвэл АНУ-д 30.000, Солонгос улсад 26.000, Англид 6.500, Чех улсад 5.320, Орост 2.162, Японд 5.000, Шведэд 4.100, Германд 5.610 монголчууд тус тус амьдардаг. Албан ёсны бус судалгаагаар дэлхийн 80 гаруй оронд монгол хүн амьдардаг ажээ. Нийт хилийн чанадад буй иргэдийн 29.714 нь оюутан сурагч, 22.789 нь албан ёсоор хөдөлмөр эрхлэгч, 18.563 нь оршин суух эрхтэй, 6.142 нь цагаачлах эрхтэй, 19.000 нь энэ эрхийг хүсч буй, 15.000 нь визний зөрчилтэй аж. Өөрөөр хэлбэл дээрх иргэдийн тал хувь нь Монгол Улсдаа эргэн ирж амьдрах сонирхолгүй гэсэн үг юм.