Багшийн цалинг нэмэгдүүлэх түр хорооноос энэ сарын 30-наас хугацаагүй ажил хаяж, 1000 багш нарын өлсгөлөн зарлахаа мэдэгдлээ.

Багш нар цалингаа нэмэгдүүлэхээр шаардлага тавьж байгаа бол Засгийн газраас төсвийн тодотголд нэг удаа 300 мянган төгрөгийн нөхөн олговор олгохоор тусгаад байгаа. Тэгвэл Багшийн цалинг нэмэгдүүлэх түр хорооноос үүнийг хүлээн зөвшөөрөхгүй байгаа тул ийнхүү өлсгөлөн зарлах хүртэл тэмцэхээр болжээ.

Ажил хаялтыг тухайн сургууль, цэцэрлэгт болон Сүхбаатарын талбайд зохион байгуулах тул сурагчдыг асран хамгаалагчид хүлээлгэн өгч оролцохыг багш нартаа уриалсан байна.