Хүйтний улирал эхэлж, утаа нэмэгдсэнтэй холбогдуулж Үндэсний эрүүл мэндийн нийгэмлэг санаачлан жирэмсэн ээжүүддээ утаанаас хамгаалах маск тарааж эхэлжээ. Эх орны ирээдүй болсон хүүхэд багачуудаа эхийн хэвлийд байхаас нь эхэлж хамгаалах зорилготой тус нийгэмлэгийнхэн эхний ээлжинд Сүхбаатар дүүргийн Эрүүл мэндийн нэгтгэлийн даргад  1000 ширхэг маскийг хүлээлгэн өгчээ.

Харин ирэх өдрүүдэд нийслэлийн таван дүүрэгт эрүүл мэндийн нэгтгэлээр дамжуулан хамгаалалтын маск тараахаар төлөвлөжээ. Дүүргүүд ЭМГ-ын харьяа хороодоороо дамжуулан жирэмсэн эхчүүддээ утаанаас хамгаалах маск тараах аж.