Монгол Улсын 28 дахь Ерөнхий сайдад нэр дэвшээд байгаа УИХ-ын гишүүн Ч.Сайханбилэгийг дэмжих эсэх талаар намын бүлгүүд ид ярилцаж байна. “Шударга ёс” эвслийн бүлэг энэ асуудлыг хэлэлцэхээр гишүүддээ зар тарааж цугларцгааж байгаа бол АН-ын бүлэг ид хэлэлцэж байна. Харин МАН-ын бүлэг энэ асуудлыг хэлэлцээд ямар нэг шийдэлд хүрсэнгүй. Тэд АН-ын бүлгээс ямар шийд гарах, ямар санал тавих зэргийг хүлээзнэж байгаа бололтой. Үдээс хойш үргэлжлүүлэн хуралдахаар завсарлага авлаа.