Япон Улсын Токио хотноо наймдугаар сарын 25-29-ний өдрүүдэд “ABU ROBOCON 2017” олон улсын робот зохион бүтээх тэмцээн болж өндөрлөлөө. Уг тэмцээнд Монгол улсаа төлөөлөн МУИС-ийн ХШУИС-ийн Машин Оюуны лабораторийн роботын баг амжилттай оролцож, тусгай байрын “Toyota Award”- шагналыг  хүртжээ.

Машин Оюуны лабораторийн роботын баг өнгөрсөн тавдугаар сарын 30-нд болсон үндэсний роботын тэмцээний ялагч болсноор Япон Улсад зохиогдсон олон улсын робот зохион бүтээх тэмцээнд эх орноо төлөөлөн оролцох эрхийг авсан байна.

“ABU ROBOCON 2017” олон улсын робот зохион бүтээх тэмцээн роботын технологиор тэргүүлэгч Япон, Хятад, Солонгос зэрэг нийт 19 орны 20-н баг оролцсоноос Веьтнам улсын баг аварга болжээ.