Улаанбаатар хотын хэмжээнд наймдугаар сарын 31-ний өдрийн 05:00 цагаас есдүгээр сарын 01-ний өдрийн 05:00 цагийн хооронд иргэд, байгууллагаас нийт 1815 мэдээлэл шалгагдсанаас, гэмт хэргийн 118, зөрчлийн 1300, согтуугийн 351, зам тээврийн ослын 397, мэдээллээс гэмт хэргийн шинжтэй 51-н үйлдэл бүртгэгдсэнийг холбогдох нэгжүүд шалгаж байна.

Тухайлбал, наймдугаар сарын 31-ний өдөр Чингэлтэй дүүргийн 12-р хорооны нутаг дэвсгэрт “Нас барсан хүүхэд байна” гэсэн мэдээллийн дагуу шалгахад нэг настай эмэгтэй Т нь гэртээ 50 литрийн төмөр савтай усанд унаж нас барсан байжээ. Хэргийг Чингэлтэй дүүргийн цагдаагийн хэлтэст шалгаж байгаа аж.