Энэ сарын 20-ны 23:00 цагийн орчим Баянзүрх дүүргийн 20-р хороо “Бурхант хошуу гэх газар үхрээ цуглуулж явсан хүүг буудаж гэмтээжээ. Тодруулбал, Баянзүрх дүүргийн наймдугаар хороонд оршин суух эрэгтэй найман настай Т-г үхрээ туугаад явж байх үед Төв аймаг, Зуунмод хот, Баянхошууны гуравдугаар багт оршин суух, эрэгтэй, 63 настай Д гэгч нь “Тоз-8” маркийн буугаар чоно явж байна гэж андууран хүүгийн зүүн хөлийн шилбэний эрээн булчинд буудаж гэмтээсэн хэргийг тус дүүргийн цагдаагийн гуравдугаар хэлтэст шалгаж байгаа аж.