Дэлхийн гоо сайхны олимп гэгддэг “Дэлхийн мисс-2014″ тэмцээнд Монгол Улсаа төлөөлөн Азийн топ модель, Манжуурын мисс, Мисс Монголиа-2010 тэмцээний дэд байрын шагналт Т.Батцэцэг оролцохоор болсон. Энэ жилийн тэмцээнд 131 орны гоо бүсгүйчүүд өрсөлдөх бөгөөд 12 дугаар сарын 14-нд дэлхийн мисс тодрох юм. Дэлхийн миссийн тэмцээн нь нэг өдөр болчихдоггүй хэдэн долоо хоногийн турш үргэлжилж спортлог, бүжигчин, шилдэг үндэсний хувцас гэх мэт төрлүүдээр ялагч тодруулдаг онцлогтой. Монголын мисс Т.Батцэцэг энэ сарын 18-нд дэлхийн миссийн тэмцээнд оролцохоор Англи улсыг зорих юм байна.  

Ж.Ангараг