УИХ-ын гишүүн Д.Гантулгыг хүчингийн хэрэгт холбогдсон тухай цахим ертөнцөөр тараад буй. Тэгвэл гишүүн энэ явдлыг гүтгэлэг болохыг батална хэмээсэн ч өчигдөр хохирогч бүсгүйн эгч мэдэгдэл хийж мэдээллийг бататгаад авсан. Харин өнөөдөр Хэнтий аймгийн Ардчилсан эмэгтэйчүүдийн холбоо, Ардчилсан залуучуудын холбоо, Одонтой ээжүүдийн холбооны гишүүд УИХ-ын Гантулгын холбогдоод буй хүчингийн хэрэгтэй холбогдуулан эсэргүүцлээ илэрхийлэн жагсаж байна. Тэд Гантулга аа, Монголын нийт охид, бүсгүйчүүд, эхчүүд, эмэгтэйчүүдээс уучлалт гуй. УИХ-ын гишүүний бүрэн эрхээсээ татгалз. Хан Хэнтий нутгийн иргэд бид хүчирхийлэгч гишүүнтэй байхыг хүсэхгүй. Ийм хүн орон нутгийг минь төлөөлөх эрхгүй. Нэрээ тат гэв.