Өнгөрөгч даваа гарагт  Дорнод аймгийн Матад сумын Жаргалант багийн Шанаган хоолой гэдэг газарт хоёр хүн худагт унаж амиа алдсан харамсалтай хэрэг гарчээ. Тодруулбал, тус аймгийн Онцгой байдлын газрын эрж хайх, аврах салбарын арван алба хаагч 31 настай А, 32 настай П нарын цогцсыг худгаас гарган, цагдаагийн байгууллагад хүлээлгэн өгсөн байна. Амиа алдсан хоёр иргэн Сүхбаатар аймгийн Баруун-Урт сумын харьяат байжээ. Одоогийн байдлаар Дорнод аймгийн цагдаагийн газраас Эрүүгийн хэрэг үүсгэн шалгаж эхэлжээ.