Монголын Залуучуудын Холбооны дэргэдэх Улаанбаатар хот дахь Хэнтий аймгийн Залуучуудын Холбоо “Авьяаслаг Хэнтийчүүд” урлагийн анхдугаар их наадам амжилттай зохион байгуулж, шилдгүүдээ тодрууллаа. Урлагийн салбарт хүч сорьж буй залуучуудаа дэмжих зорилгоор уг наадмыг зохион байгуулжээ. Энэ наадам Өндөрхаан телевизийн анхны реалити шоу нэвтрүүлэг болж олонд хүрч буйгаараа онцлог.

Улаанбаатар хот дахь Хэнтий аймгийн Залуучуудын Холбооноос “Залуусаа дэмжье” уриатайгаар зохион байгуулсан “Авъяаслаг Хэнтийчүүд” наадмын I шатанд 45 дуучин, 12 бүжгийн хамтлаг, 26 мисс охин оролцсоноос Гала тоглолтонд 15 дуучин, 6 бүжгийн хамтлаг, 16 мисс охин шалгарав. Эдгээр залуусаас шилдгийн шилдэг авьяастнууд тодров.

Уг наадмын миссийн төрөлд А.Сайхантамир тэргүүн миссийн титэм хүртсэн бол дууны төрөлд тэргүүн байрт Батноров сумын харьяат Н.Алтаншагай, бүжгийн төрөлд "Мөнгөн долгио" хамтлаг тэргүүллээ. “Авьяаслаг Хэнтийчүүд” наадамд амжилттай оролцсон залуусыг клип хийлгэх болон дуу бичүүлэх эрхээр шагнасан юм.

                                                                                               Г.Золзаяа